НОВОСТИ ВО МИХАЈЛО ПУПИН

Денешен гостин ни е поранешниот ученик Дарио Десниќ кој што моментално е фудбалер.
Погледни ја епизодата тука ➡️ https://youtu.be/2bJNyEn9Elw?si=dI_CI0AZnkBS7LhZ

Во присуство на Министерката за образование, претседателот на стопанската комора , директори на компании и други гости нашето училиште доби признание и плакета за прво училиште во дуалното образование и училиште кое е пример за дуално образование во Македонија . Плакета доби и нашиот партнер ЕВН Македонија како најголем и прв подржувач на дуалното образование. СЕТУ Михајло Пупин е пример за тоа како се менаџира дуалното образование и училиште кое има потпишано соработка со повеќе од 290 компании наши партнери каде нашите училиште реализира практична настава .

СЕТУ МИХАЈЛО ПУПИН од денес има ново партнер училиште ТЕХНИЧКА ШКОЛА-ЧАЧАК Денес во Техничка школа - Чачак во Чачак со мојот колега и пријател Максимович Бранко потпишавме меморандум за соработка помеѓу двете училишта каде веќе од пролет ќе почнеме со размена на ученици и наставници како и унапредување и размена на искуства помеѓу двете училишта, како и унапредување на дуалното образование и учество kво заеднички проекти .Ова е наше трето партнер училиште од Р.Србија. Со денешниот меморандум СЕТУ Михајло Пупин е единствено училиште од Р.Македонија што има по едно партнер училиште од Словенија , Хрватска, четри училишта од Босна и Херцеговина и три училишта од Србија. Единствено училиште со ваков вид на партнерства и меѓусебна размена на ученици и наставници.

Конечно почнува изградбата на најмодерната лабораторија за ЕНЕРГЕТИКА. во едно училиште во . Македонија . Со добиениот гранд од RCF Regional Challenge Fund 🇩🇪🇪🇺 со нашите партнери Либерти, Макстил и Раде Кончар контактори и релеи во висина од околу 700.000 евра конечно е завршена целата документација и градежните работи ќе започнат . Се надевам дека лабораторијата ќе биде готова комплет до почетокот на следната учебна година 01.09.2026 со најмодерни машини супер модерна инфраструктура пристапна рампа за лица со посебни потреби како и обука од нај професионални обучувачи на нашите професори. Во прилог ги објавувам скиците од лабораторијата.

Втора година по ред СЕТУ на Град Скопје Михајло Пупин е единствено училиште од Македонија кое учествува на државното првенство за стручни училишта во Босна и Херцеговина. Горди сме што нашите ученици и нашето училиште ја претставува Македонија надвор од нашата држава.

Денес традиционално ја започнавме манифестацијата Денови на електротехника 2025 . На манифестацијата учество земаа 26 основни училишта. Манифестацијата продолжува утре со посета на хидроцентралата Вруток. Во петок ќе се одржи финалето за пласман од прво до трето место. Манифестацијата ќе ја завршиме во Сабота на 26.04.2025 со отворениот ден на училиштето од 10.00 до 13.00 часот. Големо Благодарам до нашите партнери покровители на оваа манифестација ЕВН МАКЕДОНИЈА ЛИБЕРТИ ЕВРОПА СКОПЈЕ ВИВА СОКОВИ ВИТАЛИЈА ТРИМАКС

Во рамките на проектот AI & Sustainability in VET education - Вештачка интелегенција и одржлив развој во стручното образование, во кој нашето училиште СЕТУГС "Михајло Пупин" е партнер, се одржа обука во Истанбул, Турција од 16-20.09.2024. На обуката учествуваа професорките Анѓелка Андрески, Ангела Магдеска, Ања Манчевска Илиеска и Дијана Трајкоска. Обуката беше за Raspberry Pi 5 микрокомпјутери и ESP32. На донираната опрема во училиштето од Raspberry Pi 5 , со сензори и актуатори ќе работат професорките со тимови на ученици, за изработка на вежби со кои ќе учествуваат на натпревар во кој ќе се вклучат ученици од средни стручни училишта од цела Европа.